ArMed eHealth հավելվածը գործարկել է նոր  գործիք, որի  միջոցով արդեն հնարավոր է առցանց բժշկական խորհրդատվություն ստանալ: Բուժառուն առանց  բժշկի մոտ այց գրանցելու, առանց բուժհաստատություն այցելելու, օրվա ցանկացած ժամի հավելվածի միջոցով կարող է կապ հաստատել բժշկի հետ և  ստանալ   որակյալ բժշկական խորհրդատվություն:Հավելվածի՝  հատուկ բժշկական ուղղվածության արհեստական բանականության գործիքների շնորհիվ  խորհրդատվությունը մատուցվում է արագ և օպտիմալ եղանակով՝ խնայելով թե՛ բժշկի, թե՛ բուժառուի ժամանակը:

Առցանց բժշկական խորհրդատվությունը հարմար է հատկապես հետևյալ դեպքերի համար՝

• Երբ ունեք խիտ աշխատանքային գրաֆիկ,
• Երբ կան  անհանգստացնող ախտանշաններ, սակայն չգիտեք՝ որ նեղ մասնագետին դիմել,
• Հնարավորություն չունեք հասնել բուժհաստատություն կամ  գտնվում եք արտերկրում,
• Հարմար է մանկահասակ երեխաների մայրերի համար, ովքեր կարող են առանց տնից դուրս գալու մուտքագրել երեխայի գանգատները և ստանալ մանկաբույժի խորհրդատվությունը:
• Համակարգին միացած են իրենց ոլորտի առաջատար բժիշկ-մասնագետները։

Բժիշկը կարող է նշանակել բուժում, անհրաժեշտության դեպքում՝ լաբորատոր և գործիքային հետազոտություններ, իսկ  եթե  տվյալ գանգատներով հեռահար ախտորոշումը հնարավոր չէ,  բուժառուին կանչել բուժհաստատություն՝ ֆիզիկական զննության:

Առցանց խորհրդատվությունը նախատեսված չէ շտապ դեպքերի համար: Մանրամասների համար այցելել` https://www.facebook.com/ehealth.armenia/videos/655236226939811