ArMed eHealth հավելվածը գործարկել է նոր  գործիք, որի  միջոցով արդեն հնարավոր է առցանց բժշկական խորհրդատվություն ստանալ: Բուժառուն առանց  բժշկի մոտ այց գրանցելու, առանց բուժհաստատություն այցելելու, օրվա ցանկացած ժամի հավելվածի միջոցով կարող է կապ հաստատել բժշկի հետ և  ստանալ   որակյալ բժշկական խորհրդատվություն:

«Էլեկտրոնային առողջապահության ազգային օպերատոր» ընկերությունն ավարտել է  հանրապետություն դպրոցների բուժքույրերի համար  նախատեսված ուսուցումների շարքը:

1. Արդյո՞ք ԱՐՄԵԴ համակարգը պատրաստ է էլեկտրոնային դեղատոմսերի ներդրմանն ու այս ծավալով ծանրաբեռնվածությանը: Արդյո՞ք համակարգում լինում են խափանումներ:

 ԱՐՄԵԴ-ը միանգամայն պատրաստ է ծանրաբեռնվածությանը: Մինչև էլեկտրոնային դեղատոմսերի համակարգի ներդրումը ԱՐՄԵԴ-ում իրականացվել են օպտիմալացումներ, և համակարգը ներկայումս ավելի արագ է աշխատում: Համակարգի դանդաղության խնդիր չկա: Դեղատոմսերի լրացումը, նորմալ համակարգչի և ինտենետի առկայության պարագայում, տևում է 1-3 րոպե: Բայց, եթե ինտերնետի արագությունը թույլ է, կամ համակարգիչն է շատ հին, ապա, որոշակի դանդաղություն (բայց ոչ խափանում), ընդ որում, ցանկացած ծրագրով աշխատելու պարագայում, կարող է լինել: ԱՐՄԵԴ-ի  «Զանգերի կենտրոնի»  աշխատանքից հնարավոր է հասկանալ՝ իրականում համակարգն ինքնին խնդիր ունի, թե` ոչ: Նման խնդիր չի արձանագրվել:

Էլեկտրոնային դեղատոմսերի ներդրումը ո՛չ դեղատների, ո՛չ բուժհաստատությունների վրա որևէ լրացուցիչ ֆինանսական ծանրաբեռնվածություն չի առաջացնում: Իրականությանը չեն համապատասխանում անանուն աղբյուրներին հղումներով այն  հրապարակումները, թե ԱՐՄԵԴ համակարգին միանալու համար լրացուցիչ գումար է վճարվում: Դեղատների հետ պայմանագրերի կնքումն  ու սպասարկումն իրականացվում է անվճար: Դեղատների համար լրացուցիչ տեխնիկական ծանրաբեռնվածութուն ևս չի առաջանում: Դեղատներում համակարգչի և ինտերնետ կապի առկայությունը բավարար է էլեկտրոնային դեղատոմսերով աշխատելու համար: