Նորություններ

ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ։ Անցած տարեվերջին Կառավարությունը փոփոխություններ և լրացումներ է կատարել պետության կողմից երաշխավորված անվճար բժշկական օգնության և սպասարկման կարգում: Հիմնավորման համաձայն՝ տվյալ պահի դրությամբ պետության կողմից երաշխավորված անվճար բժշկական օգնության և սպասարկման ծրագրի շրջանակում իրականացվող աշխատանքների փոխհատուցումն իրականացվում էր սահմանափակված բյուջեի և հերթագրման սկզբունքով: Պետական պատվերի շրջանակում բժշկական օգնությունը և սպասարկումն իրականացվում էր թվով 27 միջոցառումների շրջանակներում: 27 միջոցառումներից միայն 7-ի փոխհատուցումն էր իրականացվում պայմանագրային գումարի բյուջեի չսահմանափակման (օֆերտայի) սկզբունքով: Օֆերտայի սկզբունքով բաշխվում է վերը նշված միջոցառումներով հատկացված գումարի 44 տոկոսը: Գործադիրի որոշմամբ առաջարկվում է ՀՀ պետբյուջեի «Առողջապահություն» բաժնի թվով 17 միջոցառումների փոխհատուցումն իրականացնել պայմանագրային գումարով բյուջեի չսահմանափակման (օֆերտայի) սկզբունքով՝ 6 ամիս ժամկետով, փորձարարական կարգով:

Էլեկտրոնային առողջապահության ԱՐՄԵԴ համակարգում արդեն մեկ տարի է հաջողությամբ գործարկվում են ուռուցքաբանական հիվանդությունների, շաքարային դիաբետի, հոգեբուժական հիվանդությունների ռեգիստրները:

«էլեկտրոնային առողջապահության ազգային օպերատոր» ընկերության տնօրեն Ավետ Մանուկյանը «Արմենպրես»-ի թեմատիկ  Podcast-ի ընթացքում խոսել է  էլեկտրոնային առողջապահության ներդրման կարևորության, առողջապահության ապահովագրության արդյունավետ համակարգի ներդրման գործում էլեկտրոնային առողջապահության դերի, առոջապահության ոլորտում արհեստական բանականության լուծումների նշանակության մասին:

ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ։ Հանրապետության բուժհաստատություններում գրանցամատյանների վարումն արդեն սկսել է իրականացվել բացառապես էլեկտրոնային եղանակով: Ինչպե՞ս է դա կատարվում, և ո՞րն է նման նորարարության  նպատակն ու նշանակությանը։ Այս հարցերի շուրջ «Արմենպրես»-ը զրուցել ՝ էլեկտրոնային առողջապահության «ԱՐՄԵԴ» համակարգը սպասարկող՝ «Էլեկտրոնային առողջապահության ազգային օպերատոր» ընկերության տնօրեն Ավետ Մանուկյանի հետ։